| 1 | Eo tempore Ioachim defuncto principe sacerdotum, filius eius Eliasippus in principatum sacerdotalem successit. Neemias etiam Xerxis pincerna auxiliante domino meruit obtinere ut cum honore ad patriam reverteretur magno, et civitatem reaedificaret dirutam. Qui veniens Hierosolymam cum multa suorum turba, muros civitatis restauravit eversos, populumque in ea congregans, sua benevolentia habitare fecit, vir benignus erga propriam gentem. Sub hoc tempore Pompilia [Al., Porphyria] virgo ob crimen stupri Romae viva defossa est. |