monumenta.ch > Suetonius > 46 > 8 > 74 > 4 > 73 > 83 > 72 > 20 > 40 > 89 > 71 > 1 > 4 > 1 > 43 > 5 > > 32 > 55 > 52 > 6 > 24 > 5 > 6 > 86 > 61 > 37 > 21 > 79 > 60 > 35 > 82 > 29 > 1 > 76 > 36 > 8 > 9
Dicuil, Mensura, 6, VIII <<<
Dicuil, Mensura, 6, IX
0 Haec de praetitulatis quinque fluminibus congregatim scripta sunt. Brevius de sequentibus fluviis, ex Cosmographia tantum praedicta nuper in meas manus veniente, excerpetur. 1 Fluvius Iordanis nascitur sub Libano monte, circumiens eum, pergit in lacum Tiberiadem; de eo exiens ad Scyithopolim quam secans mediam, et ab ea exiens effunditur in mare Mortuum. Currit per millia DCCXXII. 2 Hermus nascitur in campis Asiae; influit in mare Cycladarum. Currit per millia DCVIIII. 3 Meandros nascitur in campis Asiaticis bicornis; currit quasi sint duo, reddigentens se in unum; influit in mare Cycladarum. Currit per millia DCCCXCVII. 4 Fluvius Eurotas nascitur in campis Phrygiae; influit in mare Tyrrhenum. Currit per millia DCCCXXV. 5 Fluvius Tanais nascitur in monte Hyperboraei Riphaei. Per Meotidas paludes exiens, influit in Euxinum Pontum. Currit per millia DCLIII. 6 Borysthenes nascitur in monte Hyperboraeo; influit in mare Ponticum. Currit per millia CCX. 7 Sperchius nascitur in monte Oeta Macedoniae; influit in mare Aegeum. Currit per millia DCII. 8 Alpheus nascitur in campis Achaiae; influit in mare Tyrrhenum. Currit per millia CCCCLXX. 9 Achelous nascitur in campis Epiri; influit in mare Ionium. Currit per millia DCCXV. 10 Tiberis nascitur in monte Apennino; occidit in mare Tyrrheno. Currit per millia CCCCXCV. 11 Rhenus nascitur in Alpibus Penninis; occidit in Oceano Occidentali. Currit per millia DLII. 12 Rhodanus nascitur in Alpibus Cottiaeis; influit in mare Tyrrhenum. Currit per mil. [...]. 13 Garumna nascitur in Aquitaniae campis; influit in Oceanum Occidentalem. Currit per millia CCVIIII. 14 Baetis nascitur in campis Hispaniae; occidit in Oceano Occidentali; currit per millia CCCCX. 15 Tagus nascitur in campis Hispaniae; occidit in Oceano Occidentali. Currit per millia CCCII. 16 Minius nascitur prope Pyrenaeum; in rotunditate vertitur, ut Brigantium oppidum maritimum includat, et sic se in Oceanum Occidentalem recipit. Currit per millia CCCX. 17 Hiberus nascitur sub Asturicis montibus Pyrenaei; vicinos inlustrans Hispanos; infundit se mari iuxta Tarraconem. Currit per millia CCIIII. Haec omnia quae de fluminum longitudine dixi, ex Cosmographia accepi.
Dicuil HOME