Cicero, Epistulae, Ad familiares, Liber 16, Epistula 20

monumenta.ch > Cicero > Epistula 6 > Epistula 20
Cicero, Epistulae, Ad familiares, Liber 16, Epistula 19 <<< >>> Epistula 21

Cicero, Ad familiares, 16, Epistula 20

0 Scr. Romae ut vid. post m. Oct. a. 707 (47). TULLIUS TIRONI S.1 sollicitat, ita vivam, me tua, mi Tiro, valetudo; sed confido, si diligentiam quam instituisti adhibueris, cito te firmum fore. Libros compone; indicem cum Metrodoro libebit, quoniam eius arbitratu vivendum est. cum holitore, ut videtur. tu potes Kalendis spectare gladiatores, postridie redire, et ita censeo; verum ut videbitur. cura te, si me amas, diligenter. vale.