monumenta.ch > Cicero > Epistula 61
Cicero, Epistulae, Ad familiares, Liber 13, Epistula 60 <<<     >>> Epistula 62

Cicero, Ad familiares, 13, Epistula 61

0 Scr. in Cilicia a. 703 (51) vel 704 (50) M. CICERO S. D. P. SILIO PROPR.1 T. Pinnio familiarissime me usum esse scire te arbitror; quod quidem ille testamento declaravit, qui me cum tutorem tum etiam secundum heredem instituerit. eius filio mire studioso et erudito et modesto pecuniam Nicaeenses grandem debent, ad sestertium octogies, et, ut audio, in primis ei volunt solvere. pergratum igitur mihi feceris, quoniam non modo reliqui tutores qui sciunt quanti me facias sed etiam puer ipse sibi persuasit te omnia mea causa facturum esse, si dederis operam, quoad tua fides dignitasque patietur, ut quam plurimum pecuniae Pinnio solvatur Nicaeensium nomine.Cicero HOME
bav492.225 bav598.198 bsb125735.195 uldBPL49.162