monumenta.ch > Cicero > Epistula 58
Cicero, Epistulae, Ad familiares, Liber 13, Epistula 57 <<<     >>> Epistula 59

Cicero, Ad familiares, 13, Epistula 58

0 Scr. fortasse Laudiceae post a. d. iii Id. Febr. a. 704 (50). M. CICERO C. TITIO L. F. RUFO PR. URB. S.1 L. Custidius est tribulis et municeps et familiaris meus. is causam habet, quam causam ad te deferet. commendo tibi hominem, sic ut tua fides et meus pudor postulat, tantum ut facilis ad te aditus habeat, quae aequa postulabit ut libente te impetret, sentiatque meam sibi amicitiam, etiam cum longissime absim, prodesse, in primis apud te.
Cicero HOME

bav492.225 bav598.197 bsb125735.194 uldBPL49.161