Cicero, Epistulae, Ad familiares, Liber 13, Epistula 38

monumenta.ch > Cicero > Epistula 7 > Epistula 38
Cicero, Epistulae, Ad familiares, Liber 13, Epistula 37 <<< >>> Epistula 39

Cicero, Ad familiares, 13, Epistula 38

0 Scr. Romae, iit videtur, a. 708 (46). CICERO ACILIO PROCONSULI S.1 L. Bruttius, eques R., adulescens omnibus rebus ornatus, in meis familiarissimis est meque observat diligentissime; cuius cum patre magna mihi fuit amicitia iam inde a quaestura mea Siciliensi. omnino nunc ipse Bruttius Romae mecum est; sed tamen domum eius et rem familiarem et procuratores tibi sic commendo, ut maiore studio commendare non possim. gratissimum mihi feceris, si curaris ut intellegat Bruttius, id quod ei recepi, hanc meam commendationem sibi magno adiumento fuisse.