monumenta.ch > Cicero > Epistula 37
Cicero, Epistulae, Ad familiares, Liber 13, Epistula 36 <<<     >>> Epistula 38

Cicero, Ad familiares, 13, Epistula 37

0 Scr. Romae, ut videtur, a. 708 (46). CICERO ACILIO PROCONSULI1 Hippiam, Philoxeni filium, Calactinum, hospitem et necessarium meum, tibi commendo in maiorem modum. eius bona, quem ad modum ad me delata res est, publice possidentur alieno nomine contra leges Calactinorum. id si ita est, etiam sine mea commendatione ab aequitate tua res ipsa impetrare debet ut ei subvenias. quoquo modo autem se res habet, peto a te ut honoris mei causa eum expedias tantumque ei commodes et in hac re et in ceteris quantum tua fides dignitasque patietur. id mihi vehementer gratum erit.Cicero HOME
bav492.224 bav598.192 bsb125735.191 uldBPL49.156