Cicero, Epistulae, Ad familiares, Liber 12, Epistula 24a

monumenta.ch > Cicero > Paradoxon > Paradoxon > 3 > 1 > 2 > 1 > 1 > 1 > 2 > 1 > 2 > 1 > LIBER SECUNDUS > Epistula 13b > Epistula 6a > Epistula 13a > Epistula 28a > Epistula 34a > Epistula 10a > Epistula 21a > Epistula 25a > Epistula 24a
Cicero, Epistulae, Ad familiares, Liber 12, Epistula 24 <<< >>> Epistula 25

Cicero, Ad familiares, 12, Epistula 24a

0 Scr. a. 710 (44) vel 711 (43) CICERO CORNIFICIO SAL.1 T. Pinarium, familiarissimum meum, tanto tibi studio commendo, ut maiore non possim; cui cum propter omnes virtutes, tum etiam propter studia communia sum amicissimus. Is procurat rationes negotiaque Dionysii nostri, quem et tu multum amas et ego omnium plurimum; ea tibi ego non debeo commendare, sed commendo tamen. Facies igitur, ut ex Pinarii, gratissimi hominis, litteris tuum et erga illum et erga Dionysium studium perspiciamus.