Cicero, Epistulae, Ad familiares, Liber 11, Epistula 23

monumenta.ch > Cicero > Epistula 3 > Epistula 5 > Epistula 11 > Epistula 15 > Epistula 20 > Epistula 9 > Epistula 14 > Epistula 11 > Epistula 8 > Epistula 31 > Epistula 25 > Epistula 13 > Epistula 1 > Epistula 9 > Epistula 27 > Epistula 40 > Epistula 11 > Epistula 15 > Epistula 1 > Epistula 32 > Epistula 15 > Epistula 23
Cicero, Epistulae, Ad familiares, Liber 11, Epistula 22 <<< >>> Epistula 24

Cicero, Ad familiares, 11, Epistula 23

0 Scr. Eporediae viii K. Iun. a. 711 (43). D. BRUTUS S. D. M. CICERONI1 nos hic valemus recte et quo melius valeamus operam dabimus. Lepidus commode nobis sentire videtur. omni timore deposito debemus libere rei publicae consulere. quod si omnia essent aliena, tamen tribus tantis exercitibus, propriis rei publicae valentibus magnum animum habere debebas; quem et semper habuisti et nunc fortuna adiuvante augere potes. 2 quae tibi superioribus litteris mea manu scripsi, terrendi tui causa homines loquuntur. si frenum momorderis, peream si te omnes quot sunt conantem loqui ferre poterunt. ego, tibi ut antea scripsi, dum mihi a te litterae veniant, in Italia morabor. viii K. Iunias Eporedia.