monumenta.ch > Cicero > Epistula 10 > Epistula 19
Cicero, Epistulae, Ad familiares, Liber 11, Epistula 18 <<<     >>> Epistula 20

Cicero, Ad familiares, 11, Epistula 19

0 Scr. Vercellis xii K. Iun. a. 711 (43). D. BRUTUS IMP. COS. DESIG. S. D. M. CICERONI1 ad senatum quas litteras misi velim prius perlegas et si qua tibi videbuntur commutes. necessario me scripsisse ipse animadvertes; nam cum putarem quartam et Martiam legiones mecum futuras, ut Druso Pauloque placuerat vobis adsentientibus, minus de reliquis rebus laborandum existimavi; nunc vero, cum sim cum tironibus egentissimis, valde et meam et vestram vicem timeam necesse est. 2 Vicetini me et M. Brutum praecipue observant. his ne quam patiare iniuriam fieri in senatu vernarum causa a te peto. causam habent optimam, officium in re publica summum, genus hominum adversariorum seditiosum et incertissimum. xii K. Iun. Vercellis.Cicero HOME
bav598.112 bsb125735.152 uldBPL49.116