Cicero, Epistulae, Ad familiares, Liber 11, Epistula 17

monumenta.ch > Cicero > Epistula 5b > Epistula 17 > Epistula 44 > Epistula 78 > Epistula 9 > Epistula 28 > Epistula 70 > Epistula 48 > Epistula 20 > Epistula 45 > Epistula 29 > Epistula 27 > Epistula 14 > Epistula 3 > Epistula 8 > Epistula 20 > Epistula 56 > Epistula 9 > Epistula 14 > Epistula 2 > Epistula 6 > Epistula 18 > Epistula 74 > Epistula 57 > Epistula 13 > Epistula 43 > Epistula 47 > Epistula 17
Cicero, Epistulae, Ad familiares, Liber 11, Epistula 16 <<< >>> Epistula 18

Cicero, Ad familiares, 11, Epistula 17

0 Scr. ibidem eodem tempore quo ep. 16. M. CICERO D. BRUTO S. D.1 L. Lamia uno omnium familiarissime utor. magna sunt eius in me, non dico officia, sed merita, eaque sunt populo Romano notissima. is magnificentissimo munere aedilitatis perfunctus petit praeturam, omnesque intellegunt nec dignitatem ei deesse nec gratiam; sed is ambitus excitari videtur ut ego omnia pertimescam totamque petitionem Lamiae mihi sustinendam putem. 2 in ea re quantum me possis adiuvare facile perspicio nec vero quantum mea causa velis dubito. velim igitur, mi Brute, tibi persuadeas nihil me maiore studio a te petere, nihil te mihi gratius facere posse quam si omnibus tuis opibus, omni studio Lamiam in petitione iuveris. quod ut facias vehementer te rogo.