Cicero, Epistulae, Ad familiares, Liber 07, Epistula 22

monumenta.ch > Cicero > Epistula 24 > Epistula 15 > Epistula 22
Cicero, Epistulae, Ad familiares, Liber 7, Epistula 21 <<< >>> Epistula 23

Cicero, Ad familiares, 7, Epistula 22

0 Scr. in Tusculano m. Iun. ut videtur, a. 710 (44) CICERO TREBATIO S.1 Illuseras heri inter scyphos, quod dixeram controversiam esse, possetne heres, quod furtum antea factum esset, furti recte agere. Itaque, etsi domum bene potus seroque redieram, tamen id caput, ubi haec controversia est, notavi et descriptum tibi misi, ut scires id, quod tu neminem sensisse dicebas, Sex. Aelium, M. Manilium, M. Brutum sensisse: ego tamen Scaevolae et Testae assentior.