monumenta.ch > Cicero > Epistula 16b > Epistula 38a > Epistula 13a > Epistula 16a > Epistula 15a > Epistula 9a > Epistula 11a > Epistula 13a > Epistula 2 > Epistula 7
Cicero, Epistulae, Ad Quintum, Liber 3, Epistula 5-6 <<<     >>> Epistula 8

Cicero, Ad Quintum, 3, Epistula 7

0 Scr. in Tusculano ex. m. Oct. aut in. m. Nov. a. 700 (54). MARCUS QUINTO FRATRI SALUTEM.1 Romae et maximeet Appia ad Martis mira luvies. Crassipedis ambulatio ablata, horti, tabernae plurimae; magna vis aquae usque ad piscinam publicam. viget illud Homeri:

ἤματ´ ὀπωρινῷ, ὅτε λαβρότατον χέει ὕδωρ Ζεύς, ὅτε δή ῥ´ ἄνδρεσσι κοτεσσάμενος χαλεπήνῃ.

cadit enim in absolutionem Gabini:

οἱ βίῃ εἰν ἀγορῆ; σκολιας κρίνωσι θέμιστας, ἐκ δε δίκην ἐλάσωσι, θεῶν ὄπιν οὐκ ἀλέγοντες.

2 sed haec non curare decrevi. Romam cum venero, quae perspexero scribam ad te et maxime de dictatura, et ad Labienum et ad ligurium litteras dabo. hanc scripsi ante lucem ad lychnuchum ligneolum, qui mihi erat periucundus, quod eum te aiebant, cum esses Sami, curasse faciendum. vale, mi suavissime et optime frater.Cicero HOME