Cicero, Epistulae, Ad Atticum, Liber 15, Epistula 17

monumenta.ch > Cicero > Epistula 14 > Epistula 2 > Epistula 7 > Epistula 3 > Epistula 18 > Epistula 3 > Epistula 45 > Epistula 4 > Epistula 41 > Epistula 14 > Epistula 25 > Epistula 10 > Epistula 21 > Epistula 7 > Epistula 3 > Epistula 17
Cicero, Epistulae, Ad Atticum, Liber 15, Epistula 16a <<< >>> Epistula 18

Cicero, Ad Atticum, 15, Epistula 17

0 Scr. in Antiati postr. Id. Iun. a. 710 (44). CICERO ATTlCO SAL.1 duas accepi postridie Idus, alteram eo die datam, alteram Idibus. prius igitur superiori. de D. Bruto, cum scies. de consulum ficto timore cognoveram. Sicca enim φιλοστόργως ille quidem sed tumultuosius ad me etiam illam suspicionem pertulit. quid tu autem? τὰ μὲν διδόμενα? nullum enim verbum aSiregio. non placet. de Plaetono vicino tuo permoleste tuli quemquam prius audisse quam me. de Syro prudenter. L. Antonium per Marcum fratrem, ut arbitror, facillime deterrebis. Antroni vetui; sed nondum acceperas litteras, ne cuiquam nisi L. Fadio aedili. aliter enim nec caute nec iure fieri potest. quod scribis tibi deesse HS C quae Ciceroni curata sint, velim ab Erote quaeras ubi sit merces insularum. Arabioni de Sittio nihil irascor. ego de itinere nisi explicatoL Λ nihil cogito; quod idem tibi videri puto. 2 habes ad superiorem. nunc audi ad alteram. tu vero facis ut omnia quod Serviliae non dees, id est Bruto. de regina gaudeo te non laborare, teste m etiam tibi probari. Erotis rationes et ex Tirone cognovi et vocavi ipsum. gratissimum quod polliceris Ciceroni nihil defuturum; de quo mirabilia Messalla qui Lanuvio rediens ab illis venit ad me, et me hercule ipsius litterae sic et φιλοστόργως et εὐπινῶς scriptae ut eas vel in acroasi audeam legere. quo magis illi indulgendum puto. de Buciliano Sestium puto non moleste ferre. ego, si Tiro ad me, cogito in Tusculanum. tu vero, quicquid erit quod me scire par sit, statim.

Cicero HOME