Cicero, Epistulae, Ad Atticum, Liber 13, Epistula 30

monumenta.ch > Cicero > Epistula 9 > Epistula 16 > Epistula 44 > Epistula 14 > Epistula 17 > Epistula 8 > Epistula 10 > Epistula 18 > Epistula 30
Cicero, Epistulae, Ad Atticum, Liber 13, Epistula 29 <<< >>> Epistula 31

Cicero, Ad Atticum, 13, Epistula 30

0 Scr. in Tusculano post op xxxi v K. Iun. a. 709 (45). CICERO ATTICO SAL.1 commodum ad te miseram Demean quom Eros ad me venit. sed in eius epistula nihil erat novi nisi auctionem biduum. ab ea igitur, ut scribis, et velim confecto negotio Faberiano; quem quidem negat Eros hodie, cras mane putat. A te colendus est; istae autem κολακεῖαιat non longe absunt a scelere. te, ut spero, perendie. 2 mi, sicunde potes, erues qui decem legati Mummio fuerint. Polybius non nominat. ego memini Albinum consularem et Sp. Mummium; videor audisse ex Hortensio Tuditanum. sed in Libonis annali xiiii annis post praetor est factus Tuditanus quam consul Mummius. non sane quadrat. volo aliquem Olympiae aut ubi visum πολιτικὸν σύλλογον more Dicaearchi familiaris tui.

Cicero HOME