Cicero, Epistulae, Ad Atticum, Liber 08, Epistula 11c

monumenta.ch > Cicero > Epistula 12b > Epistula 11b > Epistula 2a > Epistula 4a > Epistula 11c
Cicero, Epistulae, Ad Atticum, Liber 8, Epistula 11b <<< >>> Epistula 11d

Cicero, Ad Atticum, 8, Epistula 11c

0 Scr. Canusi x K. Mart. a. 705 (49). CN. MAGNUS PROCOS. S. D. M. CICERONI IMP.1 S. V. B. E. tuas litteras. libenter legi. recognovi enim tuam pristinam virtutem etiam in salute communi. consules ad eum exercitum quem in Apulia habui venerunt. Magno opere te hortor pro tuo singulari perpetuoque studio in rem publicam ut te ad nos conferas ut communi consilio rei publicae adflictae opem atque auxilium feramus. censeo via Appia iter facias et celeriter Brundisium venias.