monumenta.ch > Cicero > 15 > Epistula 13 > Epistula 15 > Epistula 25 > Epistula 13 > Epistula 11 > Epistula 13 > Epistula 15 > Epistula 17 > Epistula 16c > Epistula 16 > Epistula 19 > Epistula 42 > Epistula 18 > Epistula 22 > Epistula 18 > Epistula 10 > Epistula 11 > Epistula 23 > Epistula 18 > Epistula 13 > Epistula 11 > Epistula 17 > Epistula 11 > Epistula 13 > Epistula 17 > Epistula 25 > Epistula 13 > Epistula 17 > Epistula 19 > Epistula 15a > Epistula 16 > Epistula 38 > Epistula 19 > Epistula 34 > Epistula 49 > Epistula 22 > Epistula 10 > Epistula 16 > Epistula 44 > Liber I > Epistula 47a > Epistula 10 > Epistula 10 > Epistula 15 > Epistula 28 > Epistula 11c > Epistula 46 > Epistula 16 > Epistula 40 > Epistula 15 > Epistula 16
Cicero, Epistulae, Ad Atticum, Liber 5, Epistula 15 <<< >>> Epistula 17
Cicero, Ad Atticum, 5, Epistula 16
0 Scr. in itinere a Synnada ad Philomellum inter a. d. v et iii Id. Sext. a. 703 (51). CICERO ATTICO SAL.1 etsi in ipso itinere et via discedebant publicanorum tabellarii et eramus in cursu, tamen surripiendum aliquid putavi spati, ne me immemorem mandati tui putares. itaque subsedi in ipsa via, dum haec quae longiorem desiderant orationem summatim tibi perscriberem. 2 maxima exspectatione in perditam et plane eversam in perpetuum provinciam nos venisse scito pridie Kal. Sextilis, moratos triduum Laodiceae, triduum Apameae, totidem dies Synnade. . audivimus nihil aliud nisi imperata ἐπικεφάλαια solvere non posse, ὠνὰς omnium venditas, civitatum gemitus, ploratus, monstra quaedam non hominis sed ferae nescio cuius immanis. quid quaeris? taedet omnino eos vitae. 3 levantur tamen miserae civitates quod nullus fit sumptus in nos neque in legatos neque in quaestorem neque in quemquam. scito non modo nos foenum aut quod e lege Iulia dari solet non accipere sed ne ligna quidem, nec praeter quattuor lectos et tectum quemquam accipere quicquam, multis locis ne tectum quidem et in tabernaculo manere plerumque. itaque incredibilem in modum concursus fiunt ex agris, ex vicis, ex domibus omnibus. me hercule etiam adventu nostro reviviscunt. iustitia, abstinentia, clementia tui Ciceronis [itaque] opiniones omnium superavit. 4 Appius ut audivit nos venire, in ultimam provinciam se coniecit Tarsum usque. ibi forum agit. de Partho silentium est, sed tamen concisos equites nostros a barbaris nuntiabant ii qui veniebant. Bibulus ne cogitabat quidem etiam nunc in provinciam suam accedere; id autem facere ob eam causam dicebant quod tardius vellet decedere. nos in castra properabamus quae aberant tridui.
Cicero HOME