Celsus, de Medicina, 8, 21

monumenta.ch > Ovidius > 5 > 2 > 11 > 5 > 2 > 1 > 17 > 9 > 25 > 29 > 4 > 13 > 23 > 8 > 12 > 5 > 15 > 11 > 27 > 3 > 16 > 8 > 10 > 11 > 19 > 13 > 4 > 2 > 20 > 17 > 23 > 25 > 5 > 4 > 14 > 22 > 10 > 27 > 13 > 4 > 101 > 3 > 12 > 11 > 33 > 2 > 3 > 2 > 5 > 14 > 16 > 17 > 25 > 26 > 21
Celsus, de Medicina, 8, XX De femore luxato. <<< >>> XXII De talo luxato.

Celsus, de Medicina, 8, XXI De genu luxato.

1 Genu vero et in exteriorem et interiorem et in posteriorem partem excidere notissimum est. In priorem non prolabi plerique scripserunt; potestque id vero proximum esse, cum inde opposita patella ipsa quoque caput tibiae contineat. Meges tamen eum, cui in priorem partem excidisset, a se curatum esse memoriae prodidit. -2 In his casibus intendi nervi rationibus isdem, quas in femore rettuli, possunt. Et id quidem, quod in posteriorem partem excidit, eodem modo, rotundo aliquo super poplitem inposito adductoque eo crure, reconditur. Cetera vero manibus simul, dum ossa in diversas partes *** conpellentur.