Celsus, de Medicina, 7, 10

monumenta.ch > Celsus > 12 > 1 > 11 > 15 > 2 > 3 > 18 > 2 > 4 > 17 > 3 > 25 > 10 > 14 > 3 > 3 > 5 > 13 > 6 > 12 > 16 > 31 > 1 > 26 > 19 > 3 > 18 > 22 > 14 > 1 > 10
Celsus, de Medicina, 7, IX Curta in auribus, labrisque ac naribus, quomodo sarciri et curari possint. <<< >>> XI De ozaena.

Celsus, de Medicina, 7, X De polypo.

1 Polypum vero, qui in naribus nascitur, ferro praecipue curari iam alias posui. Ergo etiam hunc ferramento acuto in modum spathae facto resolvere ab osse oportet, adhibita diligentia, ne infra cartilago laedatur, in qua difficilis curatio est. Ubi abscissus est, unco ferramento extrahendus est; tum inplicitum linamentum vel aliquid ex penicillo respergendum est medicamento, quo sanguis supprimitur, eoque naris leviter inplenda. Sanguine suppresso linamento ulcus purgandum est. Ubi purum est, eo pinna, eodem modo quo in aure supra positum est, medicamento inlita, quo cicatrix inducitur, intus demittenda, donec in totum id sanescat.