| 1 | Passer, deliciae meae puellae, |
| 2 | quicum ludere, quem in sinu tenere, |
| 3 | cui primum digitum dare appetenti |
| 4 | et acres solet incitare morsus |
| 5 | cum desiderio meo nitenti |
| 6 | carum nescioquid libet iocari, |
| 7 | credo, ut, cum gravis acquiescet ardor, |
| 8 | sit solaciolum sui doloris: |
| 9 | tecum ludere, sicut ipsa, posse |
| 10 | et tristes animi levare curas |
| 11 | tam gratumst mihi quam ferunt puellae |
| 12 | pernici aureolum fuisse malum, |
| 13 | quod zonam soluit diu ligatam. |