monumenta.ch > Cassiodorus > VI. PRIMISCRINIO ATHALARICUS REX. (c. a. 527) > XXVII. GUDUIN SAIONI THEODERICUS REX. a. (523/536 ante Iun. 6) > XII. ARATORI V̅· I̅· ATHALARICUS REX. (a 626 fin.) > XX. ALBINO ET AVIENO V̅V̅· I̅I̅· ATQUE PATRICIIS THEUDERICUS REX. (a 507/511) > XVI. ABUNDANTIO P̅P̅O̅ THEODERICUS REX. (a 525/526) > I. HILDERICO REGI VVANDALORUM ATHALARICUS REX. (c. a. 526) > III. ACTA SYNHODI A. DII. > UT SUB DECRETO CURIALIUM PRAEDIA VENUNDENTUR. > XXXII. BRANDILAE THEODERICUS REX. a. (523/526) > XI. FORMULA DEFENSORIS CUIUSLIBET CIVITATIS. > XXIIII. FORMULA HONORATIS POSSESSORIBUS ET CURIALIBUS CIVITATIS NEAPOLITANAE. > XVIIII. DE CORNICULARIO QUI ACCEDIT. > VI. AGAPITO V̅·I̅· P̅·U̅· THEODERICUS REX. (a 507/509) > XX. ALIULFO SAIONI THEODERICUS REX. (a 523/526) > I. ANASTASIO IMPERATORI THEODERICUS REX. (c. a. 508) > XII. THEODAHADO V̅. I̅. THEODERICUS REX. (a 523/526) > XXIIII. EPIPHANIO V̅ · S̅ · CONSULARI PROVINCIAE DALMATIAE THEODERICUS REX. a. (525/526) > V. AMBROSIO V̅· I̅· AGENTI VICES SENATOR P̅P̅O̅. (a. 533) > XV. THEODAHADO V̅· S̅· THEODERICUS REX. (a 507/511) > XVII. ABUNDANTIO P̅P̅O̅ THEODERICUS REX. (a. 523/526 ante Iun. 13) > XX. THOMATI ET PETRO V̅V̅· C̅C̅· ARCARIIS SENATOR P̅P̅O̅. (a 536) > PRAEFATIO CHARTARUM PRAEFECTURAE. a. 537/538) > XXVI. UNIVERSIS GOTHIS PER PICENUM ET SAMNIUM CONSTITUTIS THEODERICUS REX. (a 523/526 ante Iun. 6) > XVIIII. GUDINANDO SAIONI THEODERICUS REX. (a. 523/526 ante Iun. 13) > XIII. EUTROPIO ET AGROECIO THEODERICUS REX. (a 523/526) > XX. THEODORAE AUGUSTAE THEODAHADUS REX. (a. 535) > III. SENATUI URBIS ROMAE THEODERICUS REX. (a. 511) > VI. UNIVERSIS PRAEFECTURAE TITULOS ADMINISTRANTIBUS SENATOR P̅P̅O̅. (a. 533/537) > L. FAUSTO P̅P̅O̅ THEODERICUS REX. (a 507/511) > I. DIVERSIS CANCELLARIIS PROVINCIARUM SINGULARUM SENATOR P̅P̅O̅. (a 533/537) > XXIII. ABUNDANTIO P̅P̅O̅ THEODERICUS HEX. (a 525/526) > VI. PATRICIO V̅ · I · QUAESTORI THEODAHADUS REX. (a. 534) > XV. BENENATO V̅‧ S̅‧ THEODERICUS REX. (a. 507/511)) > I. IUSTINIANO IMPERATORI AMALASUINTHA REGINA. (a. 534)
>>> Cassiodorus, Variae, LIBER DECIMUS, II. IUSTINIANO IMPERATORI THEODAHADUS REX. (a. 534)
Cassiodorus, Variae, LIBER DECIMUS, I. IUSTINIANO IMPERATORI AMALASUINTHA REGINA. (a. 534)
1 Adeo vobis, clementissime principum, distulimus hactenus indicare filii nostri gloriosae recordationis occasum, ne amantis laederemus animum per tristia nuntiorum: sed nunc iuvante deo, qui consuevit casus asperos in prospera commutare, illa magis elegimus in vestram deferre notitiam, de quibus nobiscum possitis participata exultatione gaudere: iuvat enim divina munera diligentibus confiteri.2 Perduximus ad sceptra virum fraterna nobis proximitate coniunctum, qui regiam dignitatem communi nobiscum consilii robore sustineret, ut et ille avorum suorum purpureo decore fulgeret et animos nostros solacium prudentis erigeret.3 iungite nunc vota felicia, ut, sicut nos in imperio pietatis vestrae omnia fieri prospera desideranter expetimus, ita nobis favere vestram benivolentiam comprobemus.4 peracto itaque nuntio, quod vobis pro ingenita clementia credimus esse votivum, addimus etiam gratissimae legationis officium, ut pacem, quam mente semper geritis et iam mihi specialiter retinetis esse collatam, adiectione quoque meorum proteletis.5 nam licet concordia principum semper deceat, vestra tamen absolute me nobilitat, quando ille redditur amplius excelsus, qui vestrae gloriae fuerit unanimitate coniunctus.6 Sed quoniam epistularum brevitate universa sufficienter nequeunt expediri, salutantes reverentia competenti quaedam legatis nostris verbo vobis insinuanda commisimus, quae consuetudine vestrae serenitatis libenter accipite, ut ab omnibus evidenter possit agnosci quod iuste nobis probamus de vestra mansuetudine polliceri.7 convenit enim de vobis indubitanter praesumi, quando et nos pro desiderio vestro in his quos commendastis talia facimus, qualia vos sperasse cognovimus.
Cassiodorus HOME