monumenta.ch > Cassiodorus > SI PER OFFICIUM AGANTUR.
Cassiodorus, Variae, LIBER SEPTIMUS, , XX. FORMULA BINORUM ET TERNORUM, SI PER IUDICEM AGANTUR. <<<     >>> XXII. FORMULA COMMONITORII ILLI ET ILLI SCRINIARIIS DE BINIS ET TERNIS.

Cassiodorus, Variae, LIBER SEPTIMUS, XXI. FORMULA BINORUM ET TERNORUM, SI PER OFFICIUM AGANTUR.

1 Quamvis prisca consuetudo binorum et ternorum exactionem ad te iusserit pertinere, tamen, ne te multiplex occupatio praegravaret et impedimenta tibi faceret sollicitudo geminata, illum et illum scriniarios officii nostri duximus destinandos, ut tibi officioque tuo debeant imminere, quatenus cum eorum solacio intra kal. Martiarum diem ad illustrem virum illum comitem sacrarum largitionum sollemnis quantitas deferatur, ne opinionis publicae reus efficiaris, si largitiones sacras per moram aliquam putaveris esse tardandas.2 ita ut te excipiendum esse non existimes, quem nos credidimus adiuvandum.3 nam si quid minus fuerit quam oportebat illatum, de tuis hoc noveris facultatibus eruendum.Cassiodorus HOME