monumenta.ch > Content bnf9768 > VI. FORMULA COMITIVAE FORMARUM. > VI. FORMULA MAGISTERIAE DIGNITATIS. > I. IUSTINO IMPERATORI ATHALARICUS REX. (a. 526 post Aug. 30) > VI. STABULARIO COMITIACO THEODERICUS REX. (a 523/526) > I. FORMULA COMITIVAE PROVINCIAE. > VI. UNIVERSIS PRAEFECTURAE TITULOS ADMINISTRANTIBUS SENATOR P̅P̅O̅. (a. 533/537) > I. FORMULA CONSULATUS. (a 511) > I. REGI (VVARNORUM THEODERICUS REX. (a. 523/526) > I. DIVERSIS CANCELLARIIS PROVINCIARUM SINGULARUM SENATOR P̅P̅O̅. (a 533/537) > EPISCOPO ATHALARICUS REX. (a. 526 (Aug. 30) > VIII. FORMULA PRAEPECTURAE VIGILUM URBIS RAVENNATIS. > XXII. SENATUI URBIS ROMAE ATHALARICUS REX. > SI PER OFFICIUM AGANTUR. > VIII. FORMULA COMITIVAE PRIVATARUM. > XIIII. SENATUI URBIS ROMAE ATHALARICUS REX. (a. 526 fin.) > II. SENATUI URBIS ROMAE ATHALARICUS REX. (a. 526 post Aug. 30) > XXI. FORMULA RECTORIS PROVINCIAE. > II. FORMULA PRAESIDATUS. > VII. UNIVERSIS PROVINCIALIBUS PER GALLIAS CONSTITUTIS ATHALARICUS REX. (a. 526 post Aug. 30) > XIII. FORMULA COMITIVAE ROMANAE. > XXIIII. CLERO ECCLESIAE ROMANAE ATHALARICUS REX. (c. a. 527) > VIII. ANASTASIO CONSULARI THEODERICUS REX. (a 523/526) > VII. FORMULA PRAEFECTURAE VIGILUM URBIS ROMAE. > VIII. CONSULARI PROVINCIAE LIGURIAE SENATOR P̅P̅O̅. (a. 533/537) > VI. SENATUI URBIS ROMAE THEODERICUS REX. (a 509/511) > XXII. FORMULA COMMONITORII ILLI ET ILLI SCRINIARIIS DE BINIS ET TERNIS. > XXII. SENATUI URBIS ROMAE THEUDERICUS REX. (a 523/526) > XXI. DEUSDEDIT SCRIBAE RAVENNATI SENATOR P̅P̅O̅. (a 533/537) > II. FORMULA PATRICIATUS. (511) > VIIII. TULUIN V̅· I̅· PATRICIO ATHALARICUS REX. (a 526 fin.) > QUANDO PERMILITAT. > VII. FORMULA COMITIVAE SACRARUM LARGITIONUM. > VIIII. FORMULA COMITIVAE PORTUS URBIS ROMAE. > XXXVIII. FORMULA CLARISSIMATUS. > QUI SAIONEM MERETUR. > XXII. FORMULA COMITIVAE SYRACUSANAE. > II. HESTIS THEUDERICUS REX. (a 523/526)
Cassiodorus, Variae, LIBER QUINTUS, , I. REGI (VVARNORUM THEODERICUS REX. (a. 523/526) <<< >>> III. HONORATO V̅ · T̅ · QUAESTORI THEUDERICUS REX. (a. 524 ante Sept. 1)
Cassiodorus, Variae, LIBER QUINTUS, II. HESTIS THEUDERICUS REX. (a 523/526)
1 Illo et illo legatis vestris venientibus grande vos studium notitiae nostrae habuisse cognovimus, ut in Oceani litoribus constituti cum nostra mente iungamini: suavis nobis admodum et grata petitio, ut ad vos perveniret fama nostra, ad quos nulla potuimus destinare mandata.2 amate iam cognitum, quem requisistis ambienter ignotum.3 nam inter tot gentes viam praesumere non est aliquid facile concupisse.4 Et ideo salutatione vos affectuosa requirentes indicamus sucina, quae a vobis per harum portitores directa sunt, grato animo fuisse suscepta.5 quae ad vos Oceani unda descendens hanc levissimam substantiam, sicut et vestrorum relatio continebat, exportat: sed unde veniat, incognitum vos habere dixerunt, quam ante omnes homines patria vestra offerente suscipitis.6 haec quodam Cornelio describente legitur in interioribus insulis Oceani ex arboris suco defluens, unde et sucinum dicitur, paulatim solis ardore coalescere.7 Fit enim sudatile metallum, teneritudo perspicua, modo croceo colore rubens, modo flammea claritate pinguescens, ut, cum in maris fuerit delapsa confinio, aestu alternante purata vestris litoribus tradatur exposita.8 quod ideo iudicavimus indicandum, ne omnino putetis notitiam nostram fugere, quod occultum creditis vos habere.9 proinde requirite nos saepius per vias, quas amor vester aperuit, quia semper prodest divitum regum adquisita concordia, qui, dum parvo munere leniuntur, maiore semper compensatione prospiciunt.10 aliqua vobis etiam per legatos vestros verbo mandavimus, per quos, quae grata esse debeant, nos destinasse declaramus.
Cassiodorus HOME