monumenta.ch > Cassiodorus > XXVI. UNIVERSIS MASSILIA CONSTITUTIS THEODERICUS REX. (a 508/511)
Cassiodorus, Variae, LIBER QUARTUS, , XXV. ARGOLICO V̅ · I̅ · P̅ · U̅ · THEODERICUS REX. (a 510/511) <<< >>> XXVII. TUTIZAR SAIONI THEODERICUS REX. (a. 508/511)
Cassiodorus, Variae, LIBER QUARTUS, XXVI. UNIVERSIS MASSILIA CONSTITUTIS THEODERICUS REX. (a 508/511)
1 Libenti animo antiqua circa vos beneficia custodimus, cum nova utilitatibus vestris praestare cupiamus.2 servare quippe terminos ignorat humanitas et novellis decet blandiri beneficiis post longa tempora restitutis.3 Proinde immunitatem vobis, quam regionem vestram constat principum privilegio consecutam, hac auctoritate largimur nec vobis aliquid novae praesumptionis patiemur imponi, quos ab omni volumus gravamine vindicari.4 censum praeterea praesentis anni relaxat vobis munificentia principalis, ut et illa possitis accipere quae vos non contigit postulasse.5 ipsa est enim perfecta pietas, quae antequam flectatur precibus, novit considerare fatigatos.
Cassiodorus HOME
bnf2923.197