monumenta.ch > Cassiodorus > XXIII. ARIGERNO V̅ · T̅ · COMITI THEODERICUS REX (a. 510/511) > XII. MARABADO V̅‧T̅‧ COMITI ET GEMELLO V̅‧ S̅‧ THEODERICUS REX. (a. 508/511) > XI. SENATUI URBIS ROMAE ATHALARICUS REX. (a. 526 fin.) > XXX. GUDUIN V̅ · S̅ · THEODERICUS REX. (a 523/526) > VIIII. UNIVERSIS GOTHIS SIVE ROMANIS ATHALARICUS REX. (a 526/527) > VII. SENATUI URBIS ROMAE THEODAHADUS REX. (a. 534) > XXVIIII. HONORATIS POSSESSORIBUS ET CURIALIBUS PARMENSIS CIVITATIS ATHALARICUS REX. (c. a. 527) > XVIIII. GEMELLO V̅ · S̅ · THEODERICUS REX. (a 508/511) > V. FLORIANO V̅· S̅· THEODERICUS REX. (a 507/511) > QUAM PRINCEPS MOTU SUO DIRIGIT. > XIII. SUNHIVADO V͐ · S͐ · THEODERICUS HEX. (a 507/511) > QUI SAIONEM MERETUR. > XVIII. GEMELLO V̅· S̅· THEODERICUS REX. (a 508/511) > XXV. BACAUDAE V̅ · S̅ · THEODERICUS REX. (a 523/526) > VII. CANONICARIO VENETIARUM SENATOR P̅P̅O̅. (a 536/537) > XXV. SIMEONIO V̅· C̅· COMITI THEODERICUS REX. (a 510/511) > XI. PROBINO V̅ · Ῑ · PATRICIO THEODERICUS REX. (a. 507/511) > XXXI. AEMILIANO VIRO VENERABILI EPISCOPO THEODERICUS REX. (a. 507/511) > XXXVIIII. FELICI V̅· Ῑ· CONSULI THEODERICUS REX. (a 511) > XXXI. DECORATO VIRO DEVOTO THEODERICUS REX. (a 523/526) > XXXVIIII. AMPELIO V̅ · I̅ · ET LIVVIRIT V̅ · S̅ · THEODERICUS REX. (a 523/526) > XL. FORMULA DE MATRIMONIO CONFIRMANDO ET LIBERIS LEGITIMIS FACIENDIS. > XVI. SENATUI URBIS ROMAE THEODERICUS REX(a. 509/511) > XVII. UNIVERSIS PROVINCIALIBUS GALLIARUM THEODERICUS REX. (a 508) > XXVIII. FORMULA PRINCIPIBUS MILITUM COMITIVAE S(UPRA) S(CRIPTAE). > II. REGI ERULORUM THEODERICUS REX. (a. 507/511)
Cassiodorus, Variae, LIBER QUARTUS, , I. HERMINAFRIDO REGI THORINGORUM THEODERICUS REX. (a. 507/511) <<< >>> III. SENARIO V̅· I̅· COMITI PRIVATARUM THEODERICUS REX. (a. 509/510)
Cassiodorus, Variae, LIBER QUARTUS, II. REGI ERULORUM THEODERICUS REX. (a. 507/511)
1 Per arma fieri posse filium grande inter gentes constat esse praeconium, quia non est dignus adoptari, nisi qui fortissimus meretur agnosci.2 in subole frequenter fallimur: ignavi autem esse nesciunt, quos iudicia pepererunt.3 hi enim gratiam non de natura, sed de solis meritis habent, quando vinculo animi obligantur extranei, et tanta in hoc actu vis est, ut prius se velint mori quam aliquid asperum patribus videatur infligi.4 Et ideo more gentium et condicione virili filium te praesenti munere procreamus, ut competenter per arma nascaris, qui bellicosus esse dinosceris.5 damus tibi quidem equos enses clipeos et reliqua instrumenta bellorum: sed quae sunt omnimodis fortiora, largimur tibi nostra iudicia.6 summus enim inter gentes esse crederis, qui Theoderici sententia comprobaris.7 Sume itaque arma mihi tibique profutura.8 ille a te devotionem petit, qui te magis defensare disponit: proba tuum animum et opus non habebis obsequium.9 adoptat te talis, de cuius gente tu potius formideris.10 nota sunt enim Erulis Gothorum deo iuvante solacia.11 nos arma tibi dedimus: gentes autem sibi olim virtutum pignora praestiterunt.12 Salutantes proinde gratia competenti reliqua per illum et illum legatos nostros patrio sermone mandamus, qui vobis et litteras nostras evidenter exponant et ad confirmandam gratiam quae sunt dicenda subiungant.
Cassiodorus HOME
bnf2923.189
© 2006 - 2026 Monumenta Informatik