monumenta.ch > Cassiodorus > XIIII. GAUDIOSO CANCELLARIO PROVINCIAE LIGURIAE SENATOR P̅P̅O̅. (a 533/537) > XXX. ALBINO V̅ · T̅ · PATRICIO THEODERICUS REX. (a. 507/511) > XXXVI. FORMULA COMMEATALIS. > XXIIII. HELPIDIO DIACONO THEODERICUS REX. (a 507/511) > XXXV. ROMULO THEODERICUS REX. (a 507/511) > QUA CENSUS RELEVETUR EI QUI UNAM CASAM POSSIDET PRAEGRAVATAM. > XXXIIII. ARTEMIDORO PRAEFECTO URBIS THEODERICUS REX. (a 509/510) > SI PER OFFICIUM AGANTUR. > XLIII. SENATUI URBIS ROMAE THEODERICUS REX. (a 509/511) > XV. MAXIMO V̅· C̅· CANCELLARIO LUCANIAE ET BRUTTIORUM SENATOR P̅P̅O̅. (a 533/537) > XXVIIII. ARGOLICO V̅ · T̅ · P̅ · U̅ · THEODERICUS REX. (a 510/511) > XXXVIII. FAUSTO P̅P̅O̅ THEODERICUS REX. (a 507/511) > XXVII. UNIVERSIS IUDAEIS GENUA CONSISTENTIBUS THEODERICUS REX. (a 507/511) > III. BERGANTINO V̅ · I̅ · COMITI PATRIMONII ATHALARICUS REX.( c. a. 527) > X. SPECIOSO VIRO DEVOTO COMITIACO THEODERICUS REX. (a. 507|511) > XXVI. FAUSTO P̅P̅O̅ THEODERICUS REX. (a 507/511) > II. FELICI V̅ · Ῑ · CONSULI ORDINARIO THEODERICUS REX. (a. 511) > XV. IUSTINIANO IMPERATORI THEODAHADUS REX. (a. 535) > XXXII. SEVERO V̅· S̅· ATHALARICUS REX. (c. a. 527) > XXVIII. CASSIODORO V̅· I̅· PATRICIO THEODERICUS REX. (a 507/511) > XVI. SENATUI URBIS ROMAE THEODERICUS REX. (a. 507|511) > XXVI. UNIVERSIS REATINIS ET NURSINIS ATHALARICUS REX. (c. a. 526) > XXXVII. FORMULA SPECTABILITATIS. > XXXI. DROMONARIIS THEODERICUS REX. (a 507/511) > XXX. FORMULA TRIBUNATUS PROVINCIARUM. > XXXV. ACTORIBUS ALBINI V̅ · I̅ · THEODERICUS REX. (a 507/511) > XXIIII. FORMULA PRINCIPIS DALMATIARUM. > III. CASSIODORO V̅·I̅· ATQUE PATRICIO THEODERICUS REX. (c. a. 507) > XXXIIII. ABUNDANTIO P̅P̅O̅ THEODERICUS REX. (a. 523/526) > XXXIIII. MASSILIENSIBUS THEODERICUS REX. (a 508/511)
Cassiodorus, Variae, LIBER TERTIUS, , XXXIII. ARGOLICO V̅· I̅· PRAEFECTO URBIS THEODERICUS REX. (a. 510/511) <<< >>> XXXV. ROMULO THEODERICUS REX. (a 507/511)
Cassiodorus, Variae, LIBER TERTIUS, XXXIIII. MASSILIENSIBUS THEODERICUS REX. (a 508/511)
1 Propositi nostri est probatas fortitudine et moderatione personas ad ordinationem vestram defensionemque dirigere, ut et provincialium ratio sublevetur et utilitas publica bonis praesidentibus augeatur.2 Proinde comitem Marabadum nobis aequitate compertum ad Massiliensem civitatem credidimus dirigendum, ut quicquid ad securitatem vel civilitatem vestram pertinet, deo iuvante perficiat memorque gratiae nostrae curam possit habere iustitiae, minoribus solacium ferat, insolentibus severitatem suae districtionis obiciat, nullum denique opprimi iniqua praesumptione patiatur, sed omnes cogat ad iustum, unde semper floret imperium.3 Quapropter designato viro in his, quae vobis pro publica utilitate praeceperit, libentibus animis oboedite, ut fides vestra, quae iam prioribus monstratur exemplis, subsequentibus quoque declaretur indiciis, quia gratius est obsequium quod devotione perpeti custoditur.4 nos autem reddere cogitamus locum vicissitudini, qui impensa servitia non possumus oblivisci.
Cassiodorus HOME
bnf2923.180