monumenta.ch > Cassiodorus > XLVI. MARABADO V̅ · T̅ · THEODERICUS REX (a. 507/511) > XII. COMITI SILIQUATARIORUM ET CURAS PORTUS AGENTI THEODERICUS REX. (a. 507|511) > XXVIIII. FORMULA DE CUSTODIENDIS PORTIS CIVITATUM. > VII. REPARATO PRAEPECTO URBIS ATHALARICUS REX.( c. a. 527) > II. IOHANNI PAPAE SENATOR P̅P̅O̅. (a. 533) > XLIII. FORMULA PROBATORIAE CHARTARIORUM. > XVIIII. UNIVERSIS GOTHIS ET ROMANIS VEL HIS QUI PORTIBUS VEL CLUSURIS PRAESUNT THEODERICUS REX. (a 507/511) > XXXI. SEVERO V̅· S̅· ATHALARICUS REX. (c. a. 527) > XXXIIII. MASSILIENSIBUS THEODERICUS REX. (a 508/511)
Cassiodorus, Variae, LIBER TERTIUS, , XXXIII. ARGOLICO V̅· I̅· PRAEFECTO URBIS THEODERICUS REX. (a. 510/511) <<< >>> XXXV. ROMULO THEODERICUS REX. (a 507/511)
Cassiodorus, Variae, LIBER TERTIUS, XXXIIII. MASSILIENSIBUS THEODERICUS REX. (a 508/511)
1 Propositi nostri est probatas fortitudine et moderatione personas ad ordinationem vestram defensionemque dirigere, ut et provincialium ratio sublevetur et utilitas publica bonis praesidentibus augeatur.2 Proinde comitem Marabadum nobis aequitate compertum ad Massiliensem civitatem credidimus dirigendum, ut quicquid ad securitatem vel civilitatem vestram pertinet, deo iuvante perficiat memorque gratiae nostrae curam possit habere iustitiae, minoribus solacium ferat, insolentibus severitatem suae districtionis obiciat, nullum denique opprimi iniqua praesumptione patiatur, sed omnes cogat ad iustum, unde semper floret imperium.3 Quapropter designato viro in his, quae vobis pro publica utilitate praeceperit, libentibus animis oboedite, ut fides vestra, quae iam prioribus monstratur exemplis, subsequentibus quoque declaretur indiciis, quia gratius est obsequium quod devotione perpeti custoditur.4 nos autem reddere cogitamus locum vicissitudini, qui impensa servitia non possumus oblivisci.
Cassiodorus HOME
bnf2923.180