monumenta.ch > Cassiodorus > XXXIIII. EPISCOPIS SUIS VVITIGIS REX. (a. 536/537) > XVIIII. SATURNINO ET VMBISVO V̅V̅· S̅S̅· THEODERICUS REX. (a 507/511) > X. DIVERSIS CANCELLARIIS PROVINCIARUM SENATOR P̅P̅O̅. (a. 533/537) > XXVI. PAULO VIEO STRENUO SENATOR P̅P̅O̅. (a 533/537) > XVIII. DE CORNICULARIO QUI EGREDITUR. > XXIII. CAELIANO ET AGAPITO V̅V̅ · ῙῙ · PATRICIIS THEODERICUS REX. (a. 507|511) > XII. EUGENITI V̅· T̅· MAGISTRO OFFICIORUM THEODERICUS REX. (a 507/511) > II. UNIVERSIS IUDICIBUS PROVINCIARUM SENATOR P̅P̅O̅. a. (534 ante Sept. 1) > XVI. CANONICARIA. (a. 557 ante Sept. 1) > XXIII. SENATUI URBIS ROMAE ATHALARICUS REX. (a. 533 fin.) > XI. EDICTUM DE PRETIIS CUSTODIENDIS RAVENNA. (a 533/537) > XXII. DE SCRINIARIO ACTORUM. > XXVII. SENATORI P̅P̅O̅ THEODAHADUS REX. (a. 535/536) > XVII. UNIVERSIS GOTHIS ET ROMANIS DERTONA CONSISTENTIBUS THEUDERICUS REX. (a 507/511) > X. THEODORAE AUGUSTAE AMALASUINTHA REGINA. (a. 534) > XXXII. GEMELLO V̅· S̅· THEODERICUS REX. (a 510)
Cassiodorus, Variae, LIBER TERTIUS, , XXXI. SENATUI URBIS ROMAE THEODERICUS REX. (a 510/511) <<< >>> XXXIII. ARGOLICO V̅· I̅· PRAEFECTO URBIS THEODERICUS REX. (a. 510/511)
Cassiodorus, Variae, LIBER TERTIUS, XXXII. GEMELLO V̅· S̅· THEODERICUS REX. (a 510)
1 Constat apud nos fidelium non perire servitia, sed in tristibus impensa recipere in meliore fortuna.2 Arelatensibus itaque, qui nostris partibus perdurantes gloriosae obsidionis penuriam pertulerunt, per indictionem quartam fiscalia tributa nostra relaxat humanitas, ita ut futuro tempore ad solitam redeant functionem, quatenus et nos bene meritis vicissitudinem reddidisse videamur et ab illis, cum res poposcerit, solita devotio non negetur.3 Satientur in libertate qui pro nobis in angustiis esurire maluerunt: sint laeti qui tristitiam fideliter pertulerunt.4 non decet statim de tributis esse sollicitum, qui casum vix potuit declinare postremum.5 a quietis ista, non obsessis inquirimus.6 quid enim a domino agri exigas, quem eum non coluisse cognoscas? pretiosum vectigal iam nobis dederunt fidei suae.7 iniustum est ut viles pecunias exigantur qui gloriosas conscientias obtulerunt.
Cassiodorus HOME
bnf2923.179
© 2006 - 2026 Monumenta Informatik