monumenta.ch > Cassiodorus > XXIIII. UNIVERSIS BARBARIS ET ROMANIS PER PANNONIAM CONSTITUTIS THEODERICUS REX. (a 507/511)
Cassiodorus, Variae, LIBER TERTIUS, , XXIII. COLOSSEO V̅·I̅· COMITI THEODERICUS REX. (a 507/511) <<<     >>> XXV. SIMEONIO V̅· C̅· COMITI THEODERICUS REX. (a 510/511)

Cassiodorus, Variae, LIBER TERTIUS, XXIIII. UNIVERSIS BARBARIS ET ROMANIS PER PANNONIAM CONSTITUTIS THEODERICUS REX. (a 507/511)

1 Institutum suum providentia nostra non deserit, cum subiectis semper intenta profutura disponit, ut ad maiorem devotionem concitentur qui sui curam nos habuisse cognoscunt.2 Hinc est quod Colosseo viro illustri nomine viribusque praepotenti gubernationem vestram defensionemque commisimus, ut qui suae multa dedit hactenus experimenta virtutis, augeatur potius in futuris.3 atque ideo parientiam vestram saepius approbatana nunc quoque eidem praesenti monstrate, quatenus in his quae pro regni nostri utilitate rationabiliter agenda praeceperit, devotione probabili compleantur: quia fidem constantia probat et ille integritatem propriae asserit mentis, qui iugibus persistit obsequiis.4 Illud praeterea vos credidimus ammonendos, ut non in vos, sed in hostem saevire cupiatis.5 res parva non vos ducat ad extrema discrimina: adquiescite iustitiae, qua mundus laetatur.6 Cur ad monomachiam recurratis, qui venalem iudicem non habetis? deponite ferrum, qui non habetis inimicum.7 pessime contra parentes erigitis brachium, pro quibus constat gloriose moriendum.8 quid opus est homini lingua, si causam manus agat armata? aut pax esse unde creditur, si sub civilitate pugnetur? imitamini certe Gothos nostros, qui foris proelia, intus norunt exercere modestiam.9 sic vos volumus vivere, quemadmodum parentes nostros cernitis domino praestante floruisse.Cassiodorus HOME
bnf2923.177