Cassiodorus, Variae, p2, p13

monumenta.ch > Cassiodorus > XXXII. FORMULA QUA MONETA COMMITTITUR. > XXXIII. ARGOLICO V̅· I̅· PRAEFECTO URBIS THEODERICUS REX. (a. 510/511) > XIII. SENATUI URBIS ROMAE THEODAHADUS REX. (a. 535) > XXII. PROVINCIALIBUS HISTRIAE SENATOR P̅P̅O̅. (a 537/538) > XVIII. SENATUI URBIS ROMAE THEODAHADUS REX. (a. 535) > XXI. IOHANNI APPARITORI THEODERICUS REX. (a 507/511) > X. BEATO V̅· C̅· CANCELLARIO SENATOR P̅P̅O̅. (a. 533/537) > XXV. IUSTINIANO IMPERATORI THEODAHADUS REX. (a. 535) > XI. SERVATO DUCI RAETIARUM THEODERICUS REX. (a. 507/511) > XXXVI. EDICTUM. THEODERICUS REX. (a 507/511) > XVII. POPULO ROMANO THEODAHADUS REX. (a. 535) > XIII. EDICTUM. (a. 533/537) > XVIII. CONSTANTINIANO VIRO EXPERIENTISSIMO SENATOR P̅P̅O̅. > XXV. AMBROSIO V̅· T̅· AGENTI VICES SENATOR P̅P̅O̅. (a 533) > XXXII. DUDAE SAIONI THEODERICUS REX. (a 507/511) > XXIII. THEODORAE AUGUSTAE THEODAHADUS REX. (a. 535) > XII. SENATUI URBIS ROMAE THEODAHADUS REX. (a. 535) > XXI. DE PRIMISCRINIO QUI ACCEDIT.) > XVII. IOHANNI LIQUATARIO RAVENNATI ATHALARICUS REX. > XVIIII. IUSTINIANO AUGUSTO THEODAHADUS REX. (a. 535) > XXII. MARCELLO V̅· S̅· ADVOCATO FISCI THEODERICUS REX. (a 507/511) > XXIII. LAURENTIO VIRO EXPERIENTISSIMO SENATOR P̅P̅O̅. (a 537/538) > XII. ANASTASIO CANCELLARIO LUCANIAE ET BRUTTIORUM SENATOR P̅P̅O̅. (a 533/637) > XXXIII. DECIO V̅ · P̅ · PATRICIO THEODERICUS REX. (a 507/511) > XI. GILDILAE VIRO SUBLIMI COMITI SYRACUSANAE CIVITATIS ATHALARICUS REX. a. (526/527) > XII. EDICTUM PRETIORUM PER FLAMINIAM. > QUAE NATALE DOMINI FIUNT. (a. 534 ante Dec. 24) > XXXI. UNIVERSIS GOTHIS VVITIGIS REX. (a. 536) > XVIIII. MAXIMO VICARIO URBIS ROMAE SENATOR P̅P̅O̅. (a 535/536) > XXIIII. DE SCRINIARIO CURAE MILITARIS. > XIII. SENATUI URBIS ROMAE THEUDERICUS REX. (a 507/511)
Cassiodorus, Variae, LIBER PRIMUS, , XII. EUGENITI V̅· T̅· MAGISTRO OFFICIORUM THEODERICUS REX. (a 507/511) <<< >>> XIIII. FAUSTO P̅P̅O̅ THEODERICUS REX. (a. 507/511)

Cassiodorus, Variae, LIBER PRIMUS, XIII. SENATUI URBIS ROMAE THEUDERICUS REX. (a 507/511)

1 Dignitas, patres conscripti, dum ad incognitum venit, donum est, cum ad expertum, compensatio meritorum.2 quorum alter debitor iudicii, alter obnoxius est favori.3 hos enim aestimatione subvehimus, alios gratia promovemus et ad omnes indulgentiae vias nostra se relaxat humanitas.4 sed amoris vestri intuitu commonemur, quotiens in coetum vestrum ducitur, qui de gloriosis virtutibus aestimatur.5 quicquid enim humani generis floris est, habere curiam decet: quae sicut arx decus urbium, ita illa ornamentum est ordinum ceterorum.6 Atque ideo Eugenitem illustrem virum litterati dogmatis opinione fulgentem magisterii honore subveximus, ut gereret nomine quam possidebat meritis dignitatem.7 quis enim tot eius officiosos labores ignoret, quos non vilitate mentis exercuit, sed patrocinii honore servavit? dedimus itaque personam tantis honoribus parem, ut alterutro decore fulgentes mutua se gratia qualitatis ornarent.8 hic est, qui pridem nostro lateri iuridicus quaestor adhaesit, quem livoris nebula nulla fuscavit, nec malivolentiae studio nocendi artes fellitis sensibus exquisivit: sincero pectoris arcano puritati nostrae paruit et ad pietatem iussionum innocentiam suam praebuit.9 animus enim dolosus non arbitrium sequitur imperantis, sed suas potius explicat voluntates.10 Habetis certe evidens nostrum in hac parte iudicium, ut post illius apicis culmen ad alteram conscenderet dignitatem.11 nec passi sumus otiosum, quem merita non sinebant esse privatum: sereni solis consuetudinibus aestimandus, qui licet susceptum diem peragat, alterum tamen eadem gratia claritatis illuminat.12 hunc ergo, patres conscripti, tot meritis absolute relucentem favor vester excipiat.13 debetis enim bene gerentibus, ut eos laudis vestrae comitetur assensus.14 nam si equorum cursus hominum clamoribus incitatur et insonantium manibus agitur, ut a mutis animalibus velocitas appetatur, quantum inde homines stimulari posse credimus, quos ad laudis aviditatem natos singulariter invenimus!