| 1 | Interea cum Siricius quinque annis Romanorum rexisset episcopatum, Anastasius ei successit. Post quem Innocentius pontificatus iura suscepit. Defunctus quoque est etiam Flavianus, non consentiens in damnatione Ioannis. Flaviano moriente, Porphyrius Antiochenum suscepit episcopatum. Et quoniam plurimi contra Ioannem consenserant, propterea in Constantinopolitana urbe multa divisio facta est, ita ut missas apud semetipsos plurimi celebrarent, et scandala provenirent, quoniam propter gratiam Arsatii atque Porphyrii, nec non et Theophili Alexandrinae civitatis episcopi, dudum studio procerum posita lex fuerat, iubens omnes in ecclesiam convenire, et qui non communicarent procul expelli. [SOZOMEN., lib. VIII, cap. 24, p. 792.] |