| 1 | Arsatius itaque, cum paucum vixisset tempus, defunctus est consulatu sequenti Stiliconis secundo et Anthemii [An. Dom. 405], undecima die Novembris mensis. Quo moriente, de episcopatu Constantinopolitano magna coepit esse contentio. Et propterea cum quatuor vacassent menses, sequenti consulatu Arcadii sexto et Probi [An. Dom. 406], Atticus ordinatur episcopus, genere Armenius, habitu monachus, a iuventute sua naturali sapientia decoratus. |