| 1 | Interea quidam homo comprehensus est qui Ioannem volebat occidere; traditusque ad supplicium praefecto, a Ioanne ne perimeretur ereptus est. Postea vero etiam Elpidii presbyteri servus, cursu in episcopum accedens, eum interimere nitebatur. Et dum a quodam teneretur, et ipsum repente percussit, simul et alium astantem, et tertium. |
| 2 | Tunc clamore facto multis convenientibus, plurimos interemit, novissime tentus, et traditus est. Ex illo tempore Ioannem populus custodiebat noctibus et diebus, ad eius circumsedentes domum. [SOZOMEN., lib. VIII, cap. 21, p. 787.] |