| 1 | Theodosius III et Abundantius. |
| 2 | Arcadius III et Honorius II. His coss. Ioannes monachus gratia [Cusp., divina] praeditus Theodosium consulentem de eventu belli, quod adversum Eugenium movebat, victorem fore pronuntiat. |
| 3 | Olybrius et Probinus. |
| 4 | His coss. Theodosius Eugenium tyrannum vincit et perimit. |
| 5 | Augustinus beati Ambrosii discipulus multa facundia doctrinaque excellens, Hippone regionis Africae episcopus ordinatur. |
| 6 | Hoc tempore Claudianus poeta insignis habetur. |
| 7 | Theodosius imperator Mediolani moritur. |
| 8 | Post quem Arcadius, cum iam regnasset annis 12, cum fratre Honorio regnat ann. 13. Sub quibus hi consules fuerunt. |