| 1 | Vel cum idem ipsa pergens ad vicum, circumdatus est illudentium turbis, qui subsannantes ostendebant ei quemdam hominem contracto genu multis iam annis gressus officio destitutum et antiqua debilitate reptantem; ac tentantes eum, Ostende, aiebant, abba Abraham, si servus es Dei, et restitue hunc pristinae sanitati, ut nomen Christi quem colis vanum non esse credamus. |
| 2 | Tunc ille confestim invocato Christi nomine, inclinans se et apprehendens aridum pedem hominis traxit, cuius tractu continuo siccum genu curvumque directum est, ac recepto usu gressuum, quem oblivioni iam tradiderat annosa debilitas, laetus abscessit. |