Cassianus, Collationes, 1, 07, 9

monumenta.ch > Cassianus > 9
Cassianus, Collationes, 1, 7, VIII. Responsio super adiutorio Dei et liberi arbitrii potestate. <<< >>> X. Responsio in quem modum spiritus immundi humanis mentibus copulentur.

Cassianus, Collationes, 1, 7, CAPUT IX. Interrogatio super animae ac daemonum coniunctione.

Germanus: [Quia superiori capite dictum fuerat neminem a diabolo posse decipi, nisi qui suum ei praebuerit assensum, obiicit contra Germanus tantam videri subinde coniunctionem animarum et spirituum, sive daemonum, ut utrorumque motus, gestus, actus, vix queant a se invicem discerni. Verum hoc argumentum dilucidius et explicatius proponitur cap. undecimo.]Quod istud, quaeso, est animae cum istis spiritibus nequam tam indiscretum permixtumque consortium, quo sic eidem non dicam iungi, sed uniri possint, et alloqui eam insensibiliter, et inseri, atque inspirare illi quaecumque voluerint, et ad ea quae placuerint eam valeant instigare, eiusque cogitationes ac motus videant atque perlustrent: tantaque inter ipsos ac mentem unitas fiat, ut sine Dei gratia, quid ex illorum incitamento, quid ex nostra voluntate procedat, discerni pene non possit?