| 1 | [Qua ratione octo vitia principalia ponantur, cum S. Gregorius et alii non nisi septem vitia capitalia enumerent, ad lib. V Institutionum notavimus. Nam et Cassianus octo libros de Vitiis principalibus seu capitalibus inscripsit, et singulorum tractationem distincte et sigillatim propriis libris exsequitur; ubi etiam de eisdem abunde egimus, quae hic repetere foret otiosum.] Octo sunt principalia vitia, quae humanum infestant genus, id est, primum gastrimargia, quod sonat ventris ingluvies; secundum fornicatio; tertium philargyria, id est, avaritia, sive amor pecuniae; quartum ira; quintum tristitia; sextum acedia, id est, anxietas, sive taedium cordis; septimum cenodoxia, id est, iactantia, seu vana gloria; octavum superbia. |