Legis quoque ipsius scientiam non lectionis industria, sed magisterio et illuminatione Dei quotidie desiderant adipisci, dicentes ad eum: Vias tuas, Domine, demonstra mihi, et semitas tuas edoce me [Psal. XXIV]. Et, Revela oculos meos, et considerabo mirabilia de lege tua [Psal. XVIII]. Et, Doce me facere voluntatem tuam, quia Deus meus es tu [Psal. CXLVI]. Et iterum: Qui doces hominem scientiam [Psal. XCIII].