monumenta.ch > Boethius > De oxygonio rubrica. > De decagono rubrica.
Boethius, Euclides Megarensis Geometria, 2, De hennagono rubrica. <<<     >>> De circulo rubrica.

Boethius, Euclides Megarensis Geometria, 2, De decagono rubrica.

1 Restat ut de decagoni embadali dicamus podismo, describatur itaque decagonus denario numero lateraliter limitatus.2 Cuius si lateris unius quantitas secundum iam saepe dictam nostrae praeceptionis institutionem se multiplicando excreverit, 100 efficiet.3 Hii vero octies ducti, 800 adducunt.4 Horum vero medium si sumpseris, aream huius decagoni 370 pedibus contineri absque dubio pernotabis.5 Idem vero de hendecagono caeterisque plurilateris figurarum descriptionibus si feceris, nullius erroris obstaculo lababis, hoc pacto ut in naturali ordine in multiplicanda unius lateris summa, et in hac quantitate quae ex hac laterali multiplicatione nascitur, naturaliter augmentanda, eademque laterali naturaliter subducenda procedas, embadumque tali ratione ex medietatibus scilicet adinvenias.Boethius HOME