| 1 | Post monochordi regularis divisionem adiicienda arbitror esse ea in quibus veteres musicae doctores sententiae diversitate discordant, habendumque de omnibus subtile iudicium, atque id quod proposito deest operi, mediocris doctrinae [Dispensatione.] dispositione supplendum est. |
| 2 | Potest enim alia quoque esse divisio, in qua non unus tantummodo nervus assumitur, qui positis proportionibus [Dividatur.] dividat. Verum octo, atque eiusmodi cythara fiat, [Ut.] aut in pluribus, et quanti necessarii sunt nervi, tota proportionum ratio quasi oculis subiecta cernatur. |