monumenta.ch > Boethius > 13
Boethius, De Musica, 2, XII. De arithmetica, geometrica, harmonica medietate. <<<     >>> XIV. Cur ita appellatae sint digestae superius medietates.

Boethius, De Musica, 2, CAPUT XIII. De continuis medietatibus et disiunctis

1 Sed in his alia continua est proportionalitas, alia disiuncta. Continua quidem, ut superius disposuimus [In tribus constat terminis.]. Unus enim idemque numerus medius, nunc quidem maiori supponitur, nunc quidem minori praeponitur. Quotiens vero duo sunt medii, tunc disiuncta proportionalitas nuncupatur, ut in geometrica hoc modo, 1, 2, 3, 6. Nam ut est binarius ad unitatem, ita senarius ad ternarium, et vocatur haec disiuncta proportionalitas; unde intelligi potest continuam quidem proportionalitatem in tribus et [Minimam.] minimis terminis inveniri, disiunctam vero in 4. Potest autem in 4 et in pluribus continua esse proportionalitas, siquidem hoc modo sit, 1, 2, 4, 8, 16. Sed hic non erunt duae proportiones, sed plures, semperque una minus quam sint termini constituti.
Boethius HOME

bav1342.74 bnf2664.26 bnf7200.31 bnf13020.22 sbe358.181 vad296.66r

© 2006 - 2025 Monumenta Informatik