monumenta.ch > Boethius > 31 > 50 > 37 > 14
Boethius, De Arithmetica, 2, XIII. De pentagonis eorumque lateribus. <<<     >>> XV. De hexagonis eorumque generationibus.

Boethius, De Arithmetica, 2, CAPUT XIV. De generatione pentagonorum.

1 Nascuntur autem hi numeri qui extensi in latitudinem, quinque angulos pandunt, ab eadem naturalis numeri quantitate in sese coacervata, ita ut duobus semper interiectis numeris superiori vel superioribus, vincens ternario eum cui iungendus est aggregetur. Namque unitati, intermissis duobus et tribus, si quatuor iungas, qui tribus ipsam superent unitatem, quinarius pentagonus procreabitur.2 Post 4 vero si, intermisso quinario et senario, 7 aggreges, duodenarium pentagonum procreabis. Namque 1 et 4 et 7 numeri 12 explebunt. Hoc etiam in aliis fiet. Nam si 10, vel 13, vel 16, vel 19, vel 22, vel 25 superioribus cunctis adiunxeris, eodem quo superius modo pentagoni fient, secundum superiorem descriptionem. Boethius HOME
bnf1614.50 bnf6639.119 bnf11241.47 bnf11242.51 bsb46504.172 cec83.81 cec185.102 cec186.77 csg248.29 sbe358.94 vad296.27r
© 2006 - 2025 Monumenta Informatik