| 1 | quid tantos iuvat excitare motus et propria fatum sollicitare manu? si mortem petitis, propinquat ipsa sponte sua volucres nec remoratur equos. |
| 5 | quos serpens, leo, tigris, ursus, aper dente petunt idem se tamen ense petunt. an distant quia dissidentque mores, iniustas acies et fera bella movent alternisque volunt perire telis? |
| 10 | non est iusta satis saevitiae ratio. vis aptam meritis vicem referre: dilige iure bonos et miseresce malis. |