| 1 | cum Phoebi radiis grave cancri sidus inaestuat, tum qui larga negantibus sulcis semina credidit |
| 5 | elusus Cereris fide quernas pergat ad arbores. numquam purpureum nemus lecturus violas petas cum saevis Aquilonibus |
| 10 | stridens campus inhorruit; nec quaeras avida manu vernos stringere palmites uvis si libeat frui ; autumno potius sua |
| 15 | Bacchus munera contulit . signat tempora propriis aptans officiis deus nec quas ipse cohercuit misceri patitur vices . |
| 20 | sic quod praecipiti via certum deserit ordinem laetos non habet exitus. |