| 1 | tunc me discussa liquerunt nocte tenebrae luminibusque prior rediit vigor, ut cum praecipiti glomerantur sidera Coro nimbosisque polus stetit imbribus |
| 5 | sol latet ac nondum caelo venientibus astris desuper in terram nox funditur; hanc si Threicio Boreas emissus ab antro verberet et clausum reseret diem emicat et subito vibratus lumine Phoebus |
| 10 | mirantes oculos radiis ferit . |