Benedictus Nursianus, Regula Benedicti, 68

monumenta.ch > Benedictus Nursianus > 49 > 46 > 44 > 21 > 4 > 43 > 72 > 40 > 55 > 61 > 20 > 5 > 24 > 52 > 37 > 60 > 29 > 36 > 68
Benedictus Nursianus, Regula Benedicti no ed. text, LXVII De Fratribus in via directis no ed. text <<< >>> LXIX Ut in Monasterio non praesumat alter alterum defendere no ed. text

Benedictus Nursianus, Regula Benedicti, Caput LXVIII Si Fratri impossibilia iniungantur

1 Si cui fratri aliqua forte gravia aut impossibilia iniunguntur, suscipiat quidem iubentis imperium cum omni mansuetudine et oboedientia. 2 Quod si omnino virium suarum mensuram viderit pondus oneris excedere, impossibilitatis suae causas ei qui sibi praeest patienter et opportune suggerat, 3 non superbiendo aut resistendo vel contradicendo. 4 Quod si post suggestionem suam in sua sententia prioris imperium perduraverit, sciat iunior ita sibi expedire, 5 et ex caritate, confidens de adiutorio Dei, oboediat.