Benedictus Nursianus, Regula Benedicti, 20

monumenta.ch > Benedictus Nursianus > 20
Benedictus Nursianus, Regula Benedicti no ed. text, XIX De disciplina psallendi no ed. text <<< >>> XXI De Decanis Monasterii no ed. text

Benedictus Nursianus, Regula Benedicti, Caput XX De reverentia orationis

1 Si, cum hominibus potentibus volumus aliqua suggerere, non praesumimus nisi cum humilitate et reverentia, 2 quanto magis Domino Deo universorum cum omni humilitate et puritatis devotione supplicandum est. 3 Et non in multiloquio, sed in puritate cordis et compunctione lacrimarum nos exaudiri sciamus. 4 Et ideo brevis debet esse et pura oratio, nisi forte ex affectu inspirationis divinae gratiae protendatur. 5 In conventu tamen omnino brevietur oratio, et facto signo a priore omnes pariter surgant.