Benedictus Nursianus, Regula Benedicti, 8

monumenta.ch > Benedictus Nursianus > 8
Benedictus Nursianus, Regula Benedicti no ed. text, VII De humilitate no ed. text <<< >>> IX Quot Psalmi dicendi sunt nocturnis horis no ed. text

Benedictus Nursianus, Regula Benedicti, Caput VIII De Officiis divinis in noctibus

1 Hiemis tempore, id est a kalendas Novembres usque in Pascha, iuxta considerationem rationis, octava hora noctis surgendum est, 2 ut modice amplius de media nocte pausetur et iam digesti surgant. 3 Quod vero restat post vigilias a fratribus qui psalterii vel lectionum aliquid indigent meditationi inserviatur. 4 A Pascha autem usque ad supradictas Novembres, sic temperetur hora ut vigiliarum agenda parvissimo intervallo, quo fratres ad necessaria naturae exeant, mox matutini, qui incipiente luce agendi sunt, subsequantur.