| 1 | In Sicilia civitate Catinensium natale Eupli diaconi. Qui cum diutissime torqueretur, decollatus est a Calvisiano consulari, tempore Diocletiani et Maximiani. Eodem die sanctae Hilariae, matris sanctae Afrae martyris. Quae cum ad sepulcrum eius excubaret, ibidem pro fide Christi a persecutoribus igni tradita est, cum Digna et Eumenia, et Euprepia, quae fuerunt puellae sanctae Afrae. In Syria natale sanctorum Macharii et Iuliani. |