| 1 | Apud civitatem Galilaeae Nazareth annunciatio Dominica; et Ierosolymae ubi Dominus noster Christus crucifixus est. Et in Nicomedia natale Dulae ancillae cuiusdam militis pagani, quae pro castitate occisa est. Romae Cirini, qui interfectus a Claudio et in Tiberim iactatus, in insula Licaonia inventus, et in caemeterio Pontiani conditus est. Et apud Smyrnam natale sancti Irenaei episcopi, qui a tempore Maximiani imperatoris, sub praeside Probo, primo tormentis acerrimis vexatus, deinde diebus plurimis in carcere cruciatus, novissime abscisso capite consummatus est. |