| 1 | Apud Nolam Campaniae beati Felicis presbyteri. Hic a Maximiano Nolanae urbis episcopo, presbyterii honore praelatus est. Qui cum multa a perfidis pro nomine Christi pateretur, volentibusque omnibus eiusdem urbis, ut episcopus levaretur, non consensit; sed alterum eligens ad pontificatus honorem, ipse duodecim post annos, cessante persecutione, Dominica die mysteriis confectis, data pace omnibus se in pavimentum oraturus proiecit: moxque beati viri anima de carnis ergastulo egressa, felicia regna ipse vere felix conscendit: sepultusque est iuxta urbem ab Helpido sancto presbytero, in loco qui dicitur Pincis, ubi claris fulget virtutibus. Apud Viennam sancti Cadeoldi episcopi. |